«Интергаз Орталық Азия» АҚ басшылығы еңбек ұжымымен есептік кездесу өткізіп, онда компанияның 2019 жылдың бірінші жартыжылдығындағы қызметінің қорытындылары шығарылды.

Бас директордың бірінші орынбасары Мұхатай Шаңбатыров атап өткендей, газ тасымалдау көлемі бөлігіндегі өндірістік бағдарламаның орындалуы 37 203,9 млн. текше м. жоспар кезінде 34 582 млн. м³ немесе жоспардың 93 %-ын құрады. Бұл ретте, газ экспортының көлемдері (497,4 млн. м³) және ішкі тасымалдау 51 млн. м³-ге ұлғайды.

«Интергаз Орталық Азия» АҚ инвестициялық саясатты белсенді жүргізіп келеді және отандық магистральдық газ құбырларының желілерін жөндеу мен жаңарту бойынша шаралар кешенін тұрақты негізде жүзеге асырып келеді.

Бұл халықаралық транзитті қамтамасыз етуге және құбыр жүйесінің қолда бар активтерін едәуір тиімді пайдалануға мүмкіндік береді.

Мысалы, бірінші жартыжылдыққа жоспарланған магистральдық газ құбырларының объектілеріндегі және ЖАГҚ-дағы негізгі және қосалқы жабдықтарды күрделі жөндеу толық көлемде орындалды. Есіптік кезеңде нақты күрделі салымдар 36 574 млн. теңгені немесе 101%-ды құрады.

«Интергаз Орталық Азия» АҚ республикадағы ірі салық төлеушілердің бірі болып табылады. 2019 жылғы бірінші жартыжылдықта республика бюджетіне 9 523 млн. теңге салықтар мен міндетті төлемдер енгізілді.

Кадрлық саясат шеңберінде компания қызметкерлерді оқыту, даярлау және қайта даярлауға ерекше назар аударады. Бірінші жартыжылдықта 6 407 адам оқытылды.

Маусым айында «Үздік маман-2019» кәсіби шеберлік конкурсының финалдық туры болып өтіп, оған 118 үміткер қатысты. Конкурстың қорытындысы бойынша 45 жүлдегер анықталды, оларға Компания қаражатының есебінен бір күнтізбелік жылға тарифтік мөлшерлемесіне үстеме ақы тағайындалды.

Әлеуметтік бағдарлама шеңберінде Компания қызметкерлер мен олардың отбасы мүшелерінің науқастану жағдайларына ерікті медициналық сақтандыру бойынша шарт жасасты. 2019 жылдың алғашқы жартыжылдық қорытындылары бойынша 7 458 қызметкер сақтандырылды.

Салауатты өмір салтын, дене шынықтыру мен спортты, белсенді демалыс пен қызметкерлер денсаулығын нығайтуды насихаттау мақсатында, Компания спортпен шұғылдану үшін барлық жағдайларды жасап отыр және жыл сайын санаториялық-курорттық емдеу мен сауықтыруға жеңілдікпен жолдамалар береді. Есептік кезеңде, жастар жылының шеңберінде «Интергаз Орталық Азия» АҚ әрбір филиалында жаздық Спартакиадалар өткізілді, оған мыңнан астам жас мамандар қатысты.

Кездесу соңында Мұхатай Шаңбатыров ұжымға жемісті еңбегі үшін алғысын білдірді және ағымдағы жылдың соңына дейін орындалуы тиіс міндеттерді алға қойды.