Газ саласының мамандары бірден 15 кәсіп бойынша үздік маман атағына жарысты. 

ҚазТрансГаз ұлттық газ операторы  "Yздік маман-2019",  дәстүрлі конкурсының қорытындыларын шығарды, жеңімпаздар бірден 11 номинация бойынша анықталды.

"ҚазТрансГаз" АҚ компаниялар тобында бейсенбіде  "Үздік маман-2019" жұмысшылардың кәсіби шеберлігінің дәстүрлі конкурсы аяқталды.

Ағымдағы жылы газ саласының мамандары үздік атағыны бірден 15 кәсіп бойынша жарысқан болатын, Былтырғыдай конкурс екі кезеңнен тұрды, оның біріншісі "Мұнай және газ өндіру жөніндегі оператор", "Бұрғылаушы", "Бұрғылаушының көмекшісі" және "Ұңғымаларды зерттеу жөніндегі оператор", Жамбыл облысындағы «Ақыртөбе» жер асты газ сақтау қоймасының базасында сәуірде аяқталды. 

Екінші, конкурсты  аяқтайтын кезең 11 кәсіпті қамтыды және Қызылорда облысындағы «Қараөзек» жаңа компрессорлық станциясының базасында  18 маусымнан бастап 20 маусымды қоса алғанда өтті, Бұл жерде үш күн ішінде конкурсқа қатысушылар өздерінің кәсіби дағдыларын, сондай-ақ техникалық қауіпсіздік   қағидаларын сақтау саласындағы білімдерін көрсетуге тиіс болды. 

Қорыта келгенде, жарыстар нәтижелері бойынша 11 кәсіптік номинациялардың жеңімпаздары анықталды: 

1. "Технологиялық компрессорлардың машинисі" - Ерболат Құжамұратов (Қызылорда);

2. "Технологиялық қондырғыларды жөндеу жөніндегі слесарь" - Самат Жұбаниязов (Ақтау);

3. "Желілілк құбыр өткізуші" - Төлеген Сатарқұл (Шымкент);

4. "Газ тарату станцияларының операторы" - Виталий Семёнов (Қостанай);

5. "Жер асты құбырларын тотығудан қорғау жөніндегі монтер" - Игорь Иванов (Қостанай);

6. "Электр қондырғыларына қызмет көрсету және жөндеу жөніндегі электромонтер" - Асланбек Қодаров (Орал);

7. "Электрмен газ дәнекерлеуші" - Пирмаханбет Данчаев (Тараз);

8. "Газ қиюшы" - Жамал Нұртяқов (Шымкент);

9. "Бақылау-өлшеу аспаптары мен автоматика жөніндегі слесарь " - Нұрлан Шадманов (Атырау);

10. "Газ жабдығын пайдалану және жөндеу жөніндегі слесарь" - Досжан Қазанқап (Алматы);

11. "Авариялық-қалпына келтіру жұмыстарының слесарі" - Данияр Сидаков (Ақтөбе)

Конкурстық комиссия төрағасы «Интергаз Орталық Азия» АҚ бас директорының бірінші орынбасары Мұқатай Шаңбатыров айтып өткендей, "Үздік маман-2019"  конкурсының басты мақсаты – бұл бір компанияда жұмыс істейтін және ауқымды аумаққа қызмет көрсететін  мамандардың бетпе бет кездесуі, сондай-ақ  саланың үздік жұмыскерлерін анықтау және көтермелеу. 

- Осы күндер ішінде мамандар көптеген кәсіби мәселелерді талқылады және олар жұмыста алған білімдерін талдады. Бір сөзбен алғанда «Үздік маман» конкурсы компанияның корпоративтік дамуының маңызды элементі болып табылады.  Конкурсқа қатысушылар дайындықтың жоғары нәтижесін көрсете білді, ал олардың жұмысының сапасы табиғи газды үздіксіз және авариясыз тасымалдауды қамтамасыз етуге мүмкіндік береді, - деді Мұқатай Шаңбатыров. 

Дәстүрлі конкурс жыл сайын өткізіледі және екі кезеңнен тұрады: біріншісі филиалдарда, екіншісі жалпы ҚТГ деңгейінде өткізіледі, екінші кезеңге бірінші іріктеу кезеңінен өткен қатысушылар қатысады. Бұл ретте, әрбір кәсіп бойынша бірден үш жүлдегер айқындалады, одан әрі олар  «ҚазМұнайГаз» бас компания  конкурсына қатысуға жіберіледі. 

"ҚазТрансГаз" АҚ-да конкурстың негізгі мақсаты кәсіби шеберлікті жетілдіру, сондай-ақ жұмыс кәсібінің танымалдылығын арттыру болып табылады.  Компания, осындай конкурсты өткізу фактісі жұмыс кәсіптеріне оқыту және жұмыспен қамту үшін жастарды тартуға ықпал ететіндігіне сенімді, бұл Қазақстандағы Жастар жылында ерекше өзекті мәселе болып тұр.